Ye Jo Deewaanay Say Do Chaar Nazar Aatay Hain

Ye Jo Deewaanay Say Do Chaar Nazar Aatay Hain

In Main Kuch Sahib-e-Israar Nazar Aatay Hain

Teri Mehfil Ka Bharam Rakhtay Hain, So Jatay Hain

Warna Ye Log To Bedaar Nazar Aatay Hain

Mere Daaman Main To Kaanton K Siwa Kuch Bhi Nahi

Aap Phoolon K Kharidaar Nazar Aatay Hain

Door Tak Koi Sitara Hai Na Koi Jugnu

Marg-e-Umeed K Aasaar Nazar Aatay Hain

Kal Jinhein Choo Nahi Sakti Thi Farishton Ki Nazar

Aaj Woh Ronaq-e-Bazaar Nazar Aatay Hain

Hashr Main Kon Gawahi Meri Day Ga SAGAR

Sab Tumhare Hi Tarafdaar Nazar Aatay Hain..

Poet : Sagar Siddiqui
Contribute : Zahid Shah

Leave a Reply