Wadey Muhabaton k kuch aeisey nibhaey hain

Wadey Muhabaton k kuch aeisey nibhaey hain
Hum qatal honey Kuocha-e-Qatil mein aaey hain

Khushbu tery Wisal ki pheili hay chaar soh
Kin kin jaghoon pe tu Ney thikaney banaey hain

Ansoo lahoo mein doob gaey toh khabar hui
Toofan dil mein dard k kia kia uthaey hain

Teri Muhabaton k nashey bi ajeeb hain
Hum hosh mein thay phir bi qadam larkharaey hain

Pakey makan ki wehshitoon ko dekh dekh kar
Ab hum ney Khuwahishoon k gharondey banaey hain

Yeh zindgi kisi ki aamanat hay Dostoon
Gin k baataoo jitney bi lamhey Ganwaey hain

Shaam-e-Gareeban tum ney dekhi nehi kabi
Bass ess khiyal sey tumhain Dukh sunaey hain..!!

Leave a Reply