Love Masti

Uljhan mein hai yeh jeewan suljhaaey koi aa ker,
Khaali hae mera yeh mann bhar jaaey koi aa ker,

Zulfon ki thandi chhaon kho ker maen aa raha hoon,
Khushboo se mehka aanchal lehraaey koi aa ker,
…
Utrey haen dil ke bun mein veeraanyon ke saaey,
Ujrrey hoey chaman mein muskaaey koi aa ker,

Ik tu bhi hamsafar hae ik woh bhi hamsafar hae,
Kis raah per chaloon maen samjhaaey koi aa ker,

Ik umr jee raha hoon tujh se bichharr ke tanha,
Jeevan ki is dagar se bhatkaaey koi aa ker

Posted by MUSTAFA ABEER

Subscribe to Love Masti by Email