Nazar se nazar tm milane se pehly

Nazar se nazar tm milane se pehly
Zra soch lo dil lagane se pehly

Zra us k dil main b tum jhank lena
Usey raaz dil ka btane se pehly

Main yeh janti hun meri zindagi mein
Koi gham na tha tere aane se pehly

Bohat roya ho ga woh apni khata per
Saza mujh ko gham ki sunane se pehly

KHUDA rooth jata hay yeh soch lena
Kisi dil ko dukhane se pehly

Kahin jal na jao khud iss aag main tum
Kisi aur ka ghar jalane se pehly

Leave a Reply