Naya Hai Sheher, Naye Aasre Talash Karoo’n

Naya Hai Sheher, Naye Aasre Talash Karoo’n
Tuu Kho Gaya Hai, Kahaan Aab Tujhe Talaash Karoo’n

Tuu Aks Hai Toh Kabi Meri Chashm-e-Tar Mein Uttar
Tere Liye Mein Kahaan Aaine Talaash Karoo’n

Gazal Kahun, Kabhi Saada Sa Khat Likhoo’n Uss Ko
Udaas Dil Ke Liye Mash’galy Talaash Karoo’n

Mere Wajood Se Shaayad Mile Suraag Tera
Main Khud Ko Bhi Tere Waaste Talaash Karoo’n

Main Chup Rahoo’n Kabhi Be-Waja Hans Paddu’n
Usse Ganwa Ke Ajab Honsle Talaash Karoo’n

Leave a Reply