Mohabbaton Main Kuch Aise Bhi Haal Hote Hain

Mohabbaton Main Kuch Aise Bhi Haal Hote Hain
Khafa Hon Jin Se Unn Hi Ke Khayaal Hote Hain

Machalte Rehte Hain Zehno’n Main Waswaso’n Ki Tarah
Haseen Loog Bhi Jaan Ka Wabaal Hote Hain

Main Dil Ke Zakhm Chupaao’n Teri Tarah Kaise
Ke Tere Paas Toh Lafzo’n Ke Jaal Hote Hain

Bas Ek Tuu Hi Sabab Toh Nahin Udaasi Ka
Tarah Tarah Ke Dilo’n Ko Malaal Hote Hain

Siyaah Raat Mein Jalte Hain Jugnuo’n Ki Tarah
Dilo’n Ke Zakhm Bhi Kitne Kamaal Hote Hain

Leave a Reply