Love Masti

Dayaar-e-Ghair mein kaise tujhay sadaa daitay
tuu mil bhi jaataa to tujhe gaNvaa dete

tumhin ne ham ko sunaayaa na apanaa dukh varanaa
duaa vo karate ke ham aasamaan hilaa dete

hamen ye zom rahaa ab ke vo pukaarenge
unhen ye zid thi ke har baar ham sadaa dete
vo
teraa Gham thaa ke taasir mere lahaje ki
ke jis ko haal sunaate use rulaa dete

tumhen bhulaanaa hi avval to dastaaras men nahin
jo iKhtiyaar bhi hotaa to kyaa bhulaa dete

tumhaari yaad ne koi javaab hi na diyaa
mere Khayaal ke aaNsuu rahe sadaa dete

sama’ton ko main taa-umr kosataa Syed
vo kuchh na kahate magar honTh to hilaa dete

Posted by Syed Sami

Subscribe to Love Masti by Email