Teri yaad aye aur to na ho pas mere to kya karen
Tasveer teri ab dil mera na behlaye to kya karen
Hai waqt aisa ke tu bolaye aur ham na aapayen to kya karen
Hai jo ab tu vanhan mushtaq aur ham bechaar to kya karen
kehte hain bora waqt bhi guzar jata hai kabhi
Jo nahi guzarta yeh waqt abhi to kya karen
Har cheez hai araarish-e zindagi ke liye idhar
Par jisse dil chahe nahi idhar to kiya karen
Abul Asad
Posted by Sam Muscati
Muddat Hui Hai Yaar Se Mulaaqaat Kiye Hue
Shaayad Ho Jaaye’n Ge Khaak Yeh Aarzoo Liye Hue
Aana Hi Padde Ga Phir Iss Jahaan Mein Laut Kar
Agar Chale Gaye Yahaan Se Teri Justazu Liye Hue
Aabroo-e-Ishq Mohtaaz Hai Zabt-e-Gham Ki
Dekhiye Kab Tak Chalti Hai Yoon Labo’n Ko Siye Hue
Tum Se Judaa Ho Ne Ke Baad Saans Toh Chalti Rahi
Magar Zamaana Guzar Gaya Hamein Zindagi Jiye Hue
Aab Poochne Aaye’n Hai Khairiyat Beemaar Ki
Le Chale’n Hain Yaar Jab Usse Kaandha Diye Hue
Posted by
Shailesh Kumar Singh
Abhi Kuch Aur Karishme Ghazal Ke Dekhte Hain
Aiye Yaar Aab Zara Lehja Badal Ke Dekhte Hain
Judaaia’n Toh Muqaadar Hain Phir Bhi Jaan-e-Safar
Kuch Aur Duur Zara Saath Chal Ke Dekhte Hain
Raah-e-Wafaa Mein Hareef-e-Khiraam Koi Toh Ho
Soh Apne Aap Se Aage Nikal Ke Dekhte Hain
Tuu Saamne Hai Toh Phir Kyoon Yakeen Nahin Aata
Yeh Baar Baar Joh Aankhon Ko Mal Ke Dekhte Hain
Yeh Kaun Log Hain Moujood Teri Mehfil Mein
Joh Laalacho’n Se Tujhe Aur Mujh Ko Jal Ke Dekhte Hain
Yeh Qarb Kya Hai Ke Yak Jaan Hue Na Duur Hue
Hazaar Aik Hi Qaalib Mein Dhal Ke Dekhte Hain
Na Tujh Ko Maat Hui Hai Na Mujh Ko Maat Hui
Soh Aab Ke Dono Hi Chaale’n Badal Ke Dekhte Hain
Yeh Kaun Hai Ser-e-Saahil Ke Doobne Waale
Samandaro’n Ki Taho’n Se Ucchal Ke Dekhte Hain
Abhi Talak Toh Na Kundan Hue Na Raakh Hue
Hum Apni Aag Mein Har Roz Jal Ke Dekhte Hain
Bohat Dino’n Se Nahin Hai Kuch Uss Ki Khair Khabar
Chalo Yaar Ko Aiye Yaar Chal Ke Dekhte Hain
Posted by
Shailesh Kumar Singh
Kuch Iss Adaa Se Aaj Woh Pehlu Nasheen Rahe
Jab Tak Hamaare Paas Rahe Hum Nahin Rahe
Mujh Ko Nahin Qubool Doh Aalam Ki Wusate’n
Qismat Mein Koo -e -Yaar Ki Doh Gaz Zameen Rahe
Iss Ishq Ki Talaafi- e- Maafaat Dekhna
Rone Ki Hasrate’n Hain Jab Aansoo’n Nahin Rahe
Posted by
Shailesh Kumar Singh
Asar Uss Ko Zara Nahin Hota
Ranj Raahat Faza Nahin Hota
Tum Hamaare Kis Tarah Na Hue
Varna Duniya Mein Kya Nahin Hota
Na-Rasaai Se Dum Ruke Toh Ruke
Main Kisi Se Khafa Nahin Hota
Tum Mere Paas Hote Ho Goya
Jab Koi Doosra Nahin Hota
Haal-e-Dil Yaar Ko Likho’n Kyoon Kar
Haath Dil Se Judaa Nahin Hota
Kyoon Sun’ne Arz-e-Muztarib Momin
Sanam Aakhir Khuda Nahin Hota
posted by
Shailesh Kumar Singh
Aik Samandar Hai Ke Mere Muqaabil Hai
Aik Katra Hai Ke Muhj Se Sambhaala Nahin Jaata
Aik Umr Hai Ke Bitaani Hai Tere Baghair
Aik Lamhaa Hai Ke Tere Bin Guzaara Nahin Jaata
Posted by
Shailesh Kumar Singh
Abhi kia kahain abhi kia sunain…
Keh sar-e-faseel sakoot-e-jaan…
kaff-e-roz-o-shab pai sharar numa…
Wo jo harf harf charaagh tha…
Ussey kis hawa ney bujha dia…
Kabhi labb hilain gey to poochna…
Abhi kia kahain abhi kia sunain…
Sar-e-sheher ehd-e-visaal-e-dil…
Wo jo nik’haton ka hujoom tha…
Ussey dast-e-mauj-e-firaaq ney…
Tahh-e-khaak kab sey mila dia…
Kabhi gul khilain gey to poochna…
Abhi kia kahain abhi kia sunain…
Yunhi khuahishon k fishaar main…
Kabhi be sabab kabhi be khalal…
Kahan, kon, kis sey bichar gaya…
Kisey kaise kis ney ganwa diya…
Kabhi phir milain gey to poochn
Loading ...
follow: RSS