Tum Bohat Pyaar Se Pukaarte Thei Naam Mera
Mere Kaano Se Tumhaari Woh Aawaz Nahin Jaati
… …
Main Bulaata Bhi Nahin Tha Aur Tum Aa Jaate Thei
Aab Bulanae Par Bhi Meri Aawaz Tum Tak Nahin Jaati

Bas Chuke Ho Tum Meri Nas Nas Mein Lahoo Ki Tarah
Meri Ulfat Tumhari Rooh Mein Uttar Kyoon Nahin Jaati

Main Janta Hoon Yeh Shehar Yeh Raaste Tumhaare Nahin
Phir Bhi Meri Aankhon Se Intezaar Ki Aadat Nahin Jaat

Posted by Huma Manikia Huma Daya @ our facebook page https://www.facebook.com/lovemasti

Saath Hai Jo Teri Yaad Use Apni Zindagaani Likhte Hai.

Chaahkar Bhi Jo Keh Na Sake Kabhi Hum Unse,

Aaj Wahi Lafz Hum Be-Zubaani Likhte Hai.

Ye Dil Jo Tere Dard Se Aashna Ho Gaya Hai,

Ab Iss Dard Ko Hum Teri Meherbaani Likhte Hai.

Apni Chaahat Par To Aaj Bhi Yaqeen Hai Bohot,

Bas Apni Taqdeer Ke Badal Jaane Ki Hairaani Likhte Hai.

Ye Jo Aashko Ka Sailaab Basa Hai Inn Aankno Me,

Ise Hum Ab Apni Mohabbat Ki Kahaani Likhte Hai.

Bas Saath Rahe Teri Yaaden Raah-E-Zindagi Tak,

Ab Isiko Hum Apni Adhuri Tamanna Ki Nishani Likhte Hai

Posted by RAJ YADAV @ our facebook Page

Dene Waale Ki Mashiyat Pe Hai Sab Kuch Mauqoof
Maang Ne Waale Ki Haajat Nahin Dekhi Jaati

Din Behel Jaata Hai Lekin Tere Dewaano’n Ki
Shaam Hoti Hai Toh Wehshat Nahin Dekhi Jaati

Tamkanat Se Tujhe Rukhsat Toh Kiya Hai Lekin
Hum Se Inn Aankho’n Ki Hasrat Nahin Dekhi Jaati

Kaun Utraa Hai Yeh Aafaaq Ki Pehnaayi Mein
Aaina Khaane Ki Hairat Nahin Dekhi Jaati

Shailesh Kumar Singh

Mein tanha tha tanha he chalta raha ……..

Khabi hansta tha apne naseebon pe mein ……..

Khabi andar he andar mein jalta raha ……

Kahien shikway mile aur kahien thokrain …….

Chotein aisi lagin k sanbhalta raha …..

Us ko pene ki khatir to sub kuch kiya …….

Wohi sangdill tha raaste badalta raha ……..

Shared by Nimi Khan

Please join out Facebook page at Facebook.com/lovemasti

jhuki hein ab meri nazrein,

tumhe jo yaad kerti hein,

baharein laut lao gey,

kaho ik din tum aao gey.

woh sari teri perchaiyan,

tasawar ki woh tanhaiyan,

jo aankhon se barasti hein

kaho sab chor aao gey.

kaho ik din tum aao gey.

ye arzan hai khazan hum per,

pholon ka hai eeman tum per,

muhabat tor lao gey,

kaho ik din tum aao gey.

kyun nazrein teri piyasi hein,

kaho kis ki matlashi hein,

hakiqat ban ke aao gey,

khawabon ko tor jao gey.

kaho ik din tum aao gey.

Tum meri zindagi ka ek haseen lamha ho
Phoolon say khud ko sajanay ki Ijazat Day Do

Main kitna chahta hoon kis tarha bataoon tumhain
Mujhay yeh aj batanay ki Ijazat Day Do

Tumhari raat si zulfon main chand sa chehra
Mujhay yeh sham sajanay ki Ijazat Day Do

Mujhay Qaid kar lo apnay ishq main MeMoNs
Yeh jaan tum pe lootanay ki Ijazat Day Do

Nahi hai shauk Fateh Ali ko bhoolnay ka mager
Mujhay yeh duniya bhoolanay ki Ijazat Day Do

Dil se dil ki rah hai toe yeh chupata kyon hai

Tu agar hai rahbar to mujhe rukata kyon hai

Mera apna hai tu, ghairon ki tarha milta kyon hai

Mere dushman ko milkar tu gale lagata kyon hai

Ho bura waqt, to udhjaati hai mehfil ki raunaq

Yeh haqeeqat hai magar mujhe sonata kyon hai

Dasht mein baitha hova tha voh muddat se

Yeh kaafila yanhaan se uthke jaata kyon hai

Abul Asad

Posted by Sam Muscasti

Tasveer teri ab dil mera na behlaye to kya karen

Hai waqt aisa ke tu bolaye aur ham na aapayen to kya karen

Hai jo ab tu vanhan mushtaq aur ham bechaar to kya karen

kehte hain bora waqt bhi guzar jata hai kabhi

Jo nahi guzarta yeh waqt abhi to kya karen

Har cheez hai araarish-e zindagi ke liye idhar

Par jisse dil chahe nahi idhar to kiya karen

Abul Asad

Posted by Sam Muscati

Aana Hi Padde Ga Phir Iss Jahaan Mein Laut Kar
Agar Chale Gaye Yahaan Se Teri Justazu Liye Hue

Aabroo-e-Ishq Mohtaaz Hai Zabt-e-Gham Ki
Dekhiye Kab Tak Chalti Hai Yoon Labo’n Ko Siye Hue

Tum Se Judaa Ho Ne Ke Baad Saans Toh Chalti Rahi
Magar Zamaana Guzar Gaya Hamein Zindagi Jiye Hue

Aab Poochne Aaye’n Hai Khairiyat Beemaar Ki
Le Chale’n Hain Yaar Jab Usse Kaandha Diye Hue

Posted by
Shailesh Kumar Singh

Judaaia’n Toh Muqaadar Hain Phir Bhi Jaan-e-Safar
Kuch Aur Duur Zara Saath Chal Ke Dekhte Hain

Raah-e-Wafaa Mein Hareef-e-Khiraam Koi Toh Ho
Soh Apne Aap Se Aage Nikal Ke Dekhte Hain

Tuu Saamne Hai Toh Phir Kyoon Yakeen Nahin Aata
Yeh Baar Baar Joh Aankhon Ko Mal Ke Dekhte Hain

Yeh Kaun Log Hain Moujood Teri Mehfil Mein
Joh Laalacho’n Se Tujhe Aur Mujh Ko Jal Ke Dekhte Hain

Yeh Qarb Kya Hai Ke Yak Jaan Hue Na Duur Hue
Hazaar Aik Hi Qaalib Mein Dhal Ke Dekhte Hain

Na Tujh Ko Maat Hui Hai Na Mujh Ko Maat Hui
Soh Aab Ke Dono Hi Chaale’n Badal Ke Dekhte Hain

Yeh Kaun Hai Ser-e-Saahil Ke Doobne Waale
Samandaro’n Ki Taho’n Se Ucchal Ke Dekhte Hain

Abhi Talak Toh Na Kundan Hue Na Raakh Hue
Hum Apni Aag Mein Har Roz Jal Ke Dekhte Hain

Bohat Dino’n Se Nahin Hai Kuch Uss Ki Khair Khabar
Chalo Yaar Ko Aiye Yaar Chal Ke Dekhte Hain

Posted by
Shailesh Kumar Singh