Loading ...
Bewafai se pareshan bhi ho jatey hain
Narm jhonkey kabhi toofan bhi ho jatey hain
Hum ne Mehboob jo badla to ta’ajjub kesa
Log kafir se musalman bhi ho jatey hain
Shehr bhar ko main muhabbat to sikha doo’n lakin
Khud tarashey huey bhagwan bhi ho jatey hain
You’n to ik dard ka rishta hai zamaney bhar se
Log kuch zeest ka unwan bhi ho jatey hain
Hadisa ho ya koi mojza Shahi kuch ho
Rastey pyar k aasan bhi ho jatey hain.
Poet: Yaseen Shahi
“Muhabbat ka naya mausam” Posted by AMJAD ALI
Subscribe to Love Masti by Email
Kai badnamian hoti , kai ilzam sar jatey
Magar ae kash ham donon hameen dono pe mar jatey
Agar tum khab hotey to tumhe aankhon mai rakkh letey
Na goya neend se phir jagtey hatta k marr jatey
Agar hum roshni hotey to phir ahsas ki lau se
Zameen ko chhorh detey mill k donon chand par jatey
Agar tum phool hotey to tumhari khushboo mein rehtey
Samandar ki tarah hotey to ham tum mein utar jatey
Hamarey khal-o-khadd kaise hain ye ab tak nahi dekha
Agar tum aaina hotey to hamm kitney sanwar jatey
Tumharay husn pe pehra hamaray ishq ka hota
jwan rakhtay sada tum ko agar lamhay theher jatey
Agar sooraj hi hotey to phir apni dhoop ki surat
Wajood-e-yaar ki dharti pe SHAHI hum bikhar jatey.
By:Yaseen Shahi
Aarzoo ki hi nahi us ko kabhi paney ki
jis se mansoob muhabbat ko kiye rakha hai