Asar Uss Ko Zara Nahin Hota

Asar Uss Ko Zara Nahin Hota
Ranj Raahat Faza Nahin Hota

Tum Hamaare Kis Tarah Na Hue
Varna Duniya Mein Kya Nahin Hota

Na-Rasaai Se Dum Ruke Toh Ruke
Main Kisi Se Khafa Nahin Hota

Tum Mere Paas Hote Ho Goya
Jab Koi Doosra Nahin Hota

Haal-e-Dil Yaar Ko Likho’n Kyoon Kar
Haath Dil Se Judaa Nahin Hota

Kyoon Sun’ne Arz-e-Muztarib Momin
Sanam Aakhir Khuda Nahin Hota

posted by
Shailesh Kumar Singh