Month: August 2011

Baat Chali Teri Aankhoon Se Jaa Poohaanchi Paimaane Tak
Khinch Rahi Hai Terii Ulfat Aaj Mujhe Maikhaane Tak

Ishq Ki Baate’n Gam Ki Baate’n Duniya Waale Karte Hain
Kis Ne Shamma Ka Dukh Dekha Kaun Gaya Parawaane Tak

Ishq Nahin Hai Tum Ko Mujh Se Sirf Bahaane Karti Ho
Yoo’n Hi Bahaane Kaayam Rakhna Tum Mere Mar Jaane Tak

Itt Na Hi Kehna Hai Tum Se Mumkin Ho Toh Aa Jaana
Aa Hi Gaye Toh Rukna Hoga Aankhon Ke Pathraane Tak

Dard De Kar Mohabbat Ki Ada Bhool Gaye
Dil Mein Thei Qaid Magar Rasm-e-Wafaa Bhool Gaye

Jin Aankhon Mein Chhalkti Thei Sharaab Har Dam Yoo’n
Kya Ghula Zeher, Maikade Ka Nasha Bhool Gaye

Zakhm Dete Rahe Laawa Bhi Ugalta Hi Raha
Guzre Hain Ishq Mein Par Rooh-e-Wafaa Bhool Gaye

Shumaar Rehte Kabhie Thei Aziz Logo’n Mein
Aab Khyaalo’n Mein Bhi Woh Dil Ka Pataa Bhool Gaye

Bin-Piye Musafir Gunaah Karne Ko Majboor Hua
Sazaa Toh Yaad Rahi Aur Khataa Bhool Gaye

Woh Shakhs Kabhi Dasht Se Guzre Toh Usse Kehna
Ik Pal Mere Ghar Mein Bhi Thehre Usse Kehna.

Kehna Ke Samandar Ke Kinnare Pe Na Jaaye
Kuch Log Samandar Se Bhi Hain Gehre Usse Kehna

Zarkhez Zameene Kabhi Banjar Nahin Hoti
Dariya Hi Badal Lete Hain Raasta Usse Kehna

Kuch Log Safar Ke Liye Mouzoon Nahin Hote
Kuch Raaste Kat’te Nahin Tanhaa Usse Kehna

Iss Sheher Mein Sacch Keh Ke Gunehgaar Na Hona
Ke Basti Ke Sabhi Log Hain Behare Usse Kehna

Kisi ka ishq kisi ka khyal thay hum bhi
Gaey dinon mein boht ba kamal thy hum bhi.
Hamari khoj mein rehti thin titlyan aksar
K apny shehr ka husn o jamal thay hum bhi
Zamin ki gode mein sir rakh k so gaey akhir
Tumhary hijr mein kitny nidhal thay hum bhi,
Zarorton ney hamara zamir chat lia,
Wgerna,
qail-e-rizq-e-halal thay hum bhi.
Hum aks aks bikherty rahy isi dhunn mein,
K zindgi mein kabhi la zawal thay hum bhi.

Aankhon mein baqi reh gaye, ab tere khaddokhaal se
Lab pe hain kuch sawal se, dil main hain kuch malaal se

Tu jo gaya to yun laga, tanha hun kaainaat mein
Ratain thaki thaki meri, din bhi mere nidhaal se

Itne qareeb hun tere, rasta na wehm ko mile
So’un tere hisaar mein, jagoon tere jamal se

Mujh ko hain kaam or bhi, kuch to karo mera khayal
Aate ho jab khayal main, jate nahi khayal se

Tujh si haseen ghazal koi, mujh sa ghazal saraa koi
Dunia main ho ager kahin, waazeh karo misaal se

Os se gilaa ATAA mujhe, itna sa he k wo mujhe
Samjha nahi he aaj tak, ghaafil he mere haal se!

~ Mohabbat Dukh Nahi Deti ~
Agar Be-gharz Ho Jazba
Agar Manzil baney Rasta
Agar Chahat k Pardey Main
Koi Lalach Na Ho Lipta
Agar Tum Sonp Do Sab Kuch
Silay Main Kuch Na Maango
Agar Sauda Na Ho Koi
Mohabbat Bas Mohabbat Ho
Tou Phir Ye Sukh Hi Deti Hy
Kabhi Dukh Nahi Deti
~ Mohabbat Dukh Nahi Deti ~

Batao Tum ko kya Likhain
Ke Lafzon ka chunao bhi
Bara dushwaar hota hai..

Jo tum ko jaan Likhtay hain
Wafain khoob roti hain
Humein aa ker ye kehti hain
K Tum apnay hi Qatil ko
Ab be jaan likhtay hoo??
Kabhi emaan Likhtay ho
yeh Tum acha nahin kertay

To phir yeh sochtay hain Hum
Tumhain ab soog Likhtay hain
Koi mustaqil sa roog Likhtay hain
Soog ko mananay mein,
Roog ko bhulanay mein,
Umer beet jati hai… !!
Roog denay walon ko Log bhool jatay hain
Bhool janay walon ka Soog toh nahin hota

Chalo Tumhhi batao ab
Butt Likhain Tum ko ya k Khuda Likhain
Ajnabi ya phir Aashna Likhain
Apney na karda gunahoon ki
Koi karri saza Likhain…

Batao Tum ko kya Likhain?