Teri Bargah Mein Ay Khuda, Junhi Sar Ko Maine Jukha Diya

Teri Bargah Mein Ay Khuda, Junhi Sar Ko Maine Jukha Diya,
Usi Waqt Teri Khudayi Ne, Mujhe pastiyon Se Utha Diya,

Main Zaleel Tha Main Haqeer Tha, Tere Dar ka Aik Faqeer Tha,
Tu Ne Aik Hi Sajday Mein, Mujhe Kya Se Kya Bana Diya,

Rag-e-Jaan Se Bhi Tu Qareeb hai,Tu Hi Likhta Sab K Naseeb Hai,
Jisay Chaha Pal Mein Utha Diya, Jisay Chaha Pal Mein Gira Diya

Shared by Azhar Iqbal

Nigahon se teri Haya mangte hain

Nigahon se teri Haya mangte hain
Zulfon se teri ghata mangte hain

Hamen aur kuch bhi nahin chahye bus
Faqat aap se hum wafa mangte hain

Fizaon main teri hansi goonjti ho
Hawa bhi teri zulf ko choomti ho
Khuda se kuchh aisa saman mangte hain
Nigahon se teri ………

Tere rukh ki Lali gulabon main dekhi
Adaain bhi teri hijabon main dekhi
Yehi khoobian hum sada mangte hain
Nigahon se teri ………

Ye Saqib to ab se deewana hua hai
Lage youn ke jese zamana hua hai
Tere dil main thori jaga mangte hain
Nigaho se teri haya mangte hain
Zulfo se teri ghata mangte hain.

Ab to mumkin hi nahin un se mulaqat Shani

Ab to mumkin hi nahin un se mulaqat Shani!
Ab to urooj pe pohunchi hai us ki zaat Shani!
Wohi waadey hain aur rasmon ki zanjeerein baaqi!
Kab badalti hain zamaney ki riwayaat Shani!
Ek woh din they k ik dusrey ko sochtey they hum!
Ab miltey nahin donon k khayalaat Shani!
Meri har subha ka aaghaz tere naam se ho!
Teri yaadon mein katti meri har ik raat Shani!
Tum kahan aur mere pyar ka mayaar kahan?
Woh kitni saadgi se kar gayi ye baat Shani!!!!!

Mohabbat karke dekho to

Mohabbat karke dekho to
Mohabbat kya nahi karti
Mohabbat khud bhi hoti hai
Mohabbat khud hojaati hai
Mohabbat khud banati hai
Mohabbat khud bhi banti hai
Mohabbat khud bhi andhi hai
Mohabbat andha karti hai
Mohabbat jhuk bhi sakti hai
Mohabbat jhuka bhi deti hai
Mohabbat khud bhi nafrat hai
Mohabbat Pyaar bhi karti hai
Mohabbat Pyaar hai Dil ka
Mohabbat esaar bhi karti hai
Mohabbat kaam hai dukh ka
Mohabbat naam hai sukh hai
Mohabbat naam hai is ka
Mohabbat is hi ko kehte hain
Mohabbat karke dekho to
Mohabbat kya nahi karti