Wafa Mein Ab Yeh Hunar Ikhtayaar Karna Hai

Wafa Mein Ab Yeh Hunar Ikhtayaar Karna Hai,
Woh Sach Kahay Na Kahay Aitbaar Karna Hai,

Yeh Tujh Ko Jagtay Rehnay Ka Shouq Kab Se Huwa?
Mujhay Tow Khair Tera Intezaar Karna Hai,

Hawa Ki Zad Mein Jalanay Hein Ansouon K Chiraagh,
Kabhie Yeh Jashan Sir E Raahguzaar Karna Hai,

Woh Muskura K Naye Waswason Mein Daal Geya,
Khiyaal Tha K Ussay Sharmsaar Karna Hai,

Chalo Yeh Ashk Hi Mooti Samajh K Baich Ayen,
Kisi Tarah Tow Humein Roozgaar Karna Hai,

Khuda Khabar Yeh Koi Zid K Shouq Hai Mohsin,
Khud Apni Jaan K Dushman Se Piyaar Karna..

Be-khuloos logon se Ab ijtenaab karna hai

Be-khuloos logon se Ab ijtenaab karna hai
Mujhko apne rishton ka ehtisaab karna hai

Kitni umer zaya ki hai Us ko yaad rakhne me
Gham shuda saanson ka Kuch hisaab karna hai

Yeh jo zameen hai meri Is ka qarz hai mujh per
Is se ISHQ karna hai Or Be-hisaab karna hai

Us ko bhool jana hai Us ko yaad rakhna hai
Dukh to ek jesa hai Bas Intekhaab karna hai

Woh to sirf ek aansoo se Mujhko maat de dega
Us ko Maine baaton se La-jawaab karna hai

Koi aam sa ik chehra Koi shaam si Aankhen
Maine apni Ghazlon ka Intesaab karna hai

“Kaha Na Pyaar Hai Tum Say”

Kaha Na Pyaar Hai Tum Say
To Phir Kyon Zid Tumhari Hai
K Jub Bhi Main Miloon Tum Say
Yehi Izhar Ho Lab Pay
Mujhe Tum Say Muhabbat Hai…!
Tumhain Maloom Hai Jana
Muhabbat To Muhabbat Hai
Yeh To Ankhon Mein Dikhti Hai
Haseen Say Khwab Ki Soorat
Isay Kehna Nhi Parta…!
Buhut CHup CHaap Jazba Hai
Dabay Paon He CHalta Hai
Magar Jo Naksh Is K Hain
Buhut He Gehray Hotay Hain
Unhain Kehna Nhi Parta…!
Magar Izhar Hota Hai
Kabhi Baton Ki Khushbu Say
Kabhi Ankhon Ki Shokhi Say
To Phir Kyon Zid Tumhari Hai
K Jub Main Miloon Tum Say
Yehi Izhar Ho Lab Pay
Mujhe Tum Say Muhabbat Hai…!
Magar Tum Janti Ho Na
Tumhari Baat Ko Jaana
Nhi Main Taal Sakta Hoon
Chalo Main Tum Say Kehta Hoon
Mujhe Tum Say Muhabbat Hai

“Us Bewafa Ka Shehar Hay Or Hum Hein Dosto”

Us Bewafa Ka Shehar Hay Or Hum Hein Dosto…
Ashk-e-rawaan Ki Nehar Hay Or Hum Hein Dosto…

Sham-e-alam Dhali To Chali Dard Ki Hawa….
Ratoon Ka Pichla Pehar Hay Or Hum Hein Dosto…

Ankhoon Mein Urr Rahi Hay Lutti Mehfiloon Ki Dhool…
Ibrat Bara-e-Dahar Hay Or Hum Hein Dosto…

Ye Ajnabi See Manzilein Or Raftagaan Ki Yaad…
Tanhayoon Ka Zehar Hay Or Hum Hein Dosto…

Aisi Nahi Hai Baat Ke Qad Apne Ghat Gaye

Aisi Nahi Hai Baat Ke Qad Apne Ghat Gaye,
Chadar Ko Apni Dekh Kar Hum Khud Seemat Gaye,

Jab Qalam Tha Haath Me Alfaaz Hi Na The,
Alfaaz Mil Gaye Hai To Mere Haath Kat Gaye,

Sandal Ka Mai Darakht Nahi Tha To Kiss Liye,
Jitne The Gum Ke Naag Sab Mujhse Lipat Gaye,

Humko Shafaqato Ki ghani Chao Kya Mili,
Jitne The Saya Daar Shajar Saare Kat Gaye,

Shahid Kisis ko Dekh Kar Rona Parha Mujhe,
Dunya Samjh Rahi Hai Ke Mere Din Palat Gaye

Merey hathon per tere nam ki mehndi ho

Merey hathon per tere nam ki mehndi ho
Merey mathey per tere nam ka teka ho
Bus itni si khwaish hay meri k
Merey angan main teri barat ki dhoom ho
Merey honton per bus tera nam ho
…Merey wajood per bus tera ikhtiar ho
Bus itni si khwaish hay meri k
Merey dil per bus terey pyar ki hakomat ho
Merey khamosh labon ki tum zuban ho
Merey beqarar dharakanon ka qarar ho
Bus itni si khwaish hay meri k
Merey har din ka tum afatab ho
Merey la hasil ishq ki inteha ho
Merey adhoorey khwab ki tabeer ho
Bus itni si khwaish hay meri k

Merey hathon per tere nam ki mehndi ho
Merey mathey per tere nam ka teka ho