Month: July 2011

Jo chal sako to koi aisi chaal chal jana
Mujhe gumaan b na ho aur tum badal jana

Ye sholagi ho badan ki to kya kiya jaaye
So laazmi tha tere pairhan ka jal jaana

Tumhi karo koi darmaan, ye waqt aa pohancha
K ab to chaara garon ko b haath mal jana

Abhi abhi to judaai ki shaam aayi thi
Humain ajeeb laga zindagi ka dhal jana

Saji sajaai hui maut zindagi to nahi
Mu’arrakhon ne maqaabir ko b mehal jana

Ye kya k tu b isi saa’at e zawaal main hai
k jis tarah hai sabhi soorajon ko dhal jana

Har ek ishq k baad aur us k ishq k baad
Faraz itna b aasaan na tha sambhal jana

ik saza aur aseeron ko suna di jaye
yani ab jurm e aseeri ki saza di jaye

uski Khowahish hai k ab log na roen na hansen
be’hisi waqt ki aawaz bana di jaye

dasht e nadeeda ki tehqeeq zaruri hai magar
pehle jo aag lagi hai wo bujha di jaye

sirf jalna hi nahi humko bharakna b to hai
ishq ki aag ko laazim hai hawa di jaye

sirf suraj ka nikalna hai agar subah to phir
ik shab aur meri shab se mila di jaye

aur ik taza sitam usne kiya ejaad
usko is baar zara khul k dua di jaye.

itni raat gay ap kin ko yaad karte hain

from new book YADAIN UDAS KARTI HAIN

Sari duniya k rivajon se adawat ki thi
Tumko Yaad hai jab maine ik hamaqat ki thi

Usay razdan samajh kr btaya tha haal-e-dil apna
par us shakhs ne meri zaat se baghawat ki thi

Jab kisi ki yaadun ne ankhun ko bhigoya tha meri
Maine aik naam ki tasbeeh peh tilawat ki thi

Usko choor k hanstay huay ghar aa k
Itna roye thay k ankhon ne shikayat ki thi

mere ujarnay ka sabab jb b kisi ne poucha tu
maine bs itna bataya k “MUHABBAT” ki th

Bharosa toot janay se zara pahlay bata daina
Mujhay tum azmanay se zara pahlay bata daina

Kisi heelay bahanay se zara pahlay bata daina
K mujh ko tum bholanay se zara pahlay bata daina

Zamin ke rait pe tum ne mohabbat se likhi thi jo
Woh tahrerain mitanay se zara pahlay bata daina

Mairay dilber k is dil per main rakh loon zabt ka pathar
Suno daman churanay se zara pahlay bata daina

Kisi bhi mor pe “Mohsin” bura pao agar mujh ko
Bharosa toot janay se zara pahlay bata daina

Mere Humsafar Teri Berukhi
Mere humsafar teri berukhi dil-e-mubtla ki shikast hai
Ise kis trha main kahon fatah yeh meri anna ki shikast hai

Tu chala gaya mujhe chor ker maine phir bhi tujh ko sadain dein
Mere humsafar tu ruka nahi yeh meri sda ki shikast hai

Tujhe la ke dil main bitha diya tujhe raaz har ek bata diya
Tune phir bhi koi wafa na ki yeh meri wafa ki shikast hai

Main charag-e-khona mizaaj thi tjhe bijliyon ki talab rahi
Mujhe andhiyon ne bhuja diya yeh meri ziya ki shikast hai

Mujhe koi tujh se gilla nahi tu mila tha kab ke bichar gaya
Mere jurm ki hai yeh saza yeh meri saza ki shikast hai

Meri khamoshi ke byaan ko tu samjh k bhi na samjh saka
Mere aansoon ke pyaam hi dil-e-benawa ki shikast hai

Ghum-e-dastaan-e-hayaat k sabhi tazkare hoe rayegaan
Mere charagr tera yeh hunar meri har dua ki shikast hai

Meri jaan khamosh reh bhala zoor kis ka hawaon per
Ke jahan bhi rukh yeh badal gaein wahein na-khuda ki shikast hai