Ablapa koi Iss Dasht Mein Aaya Hoga

Ablapa koi Iss Dasht Mein Aaya Hoga

Warna Aandhi Mein Diya kis Nein Jalaaya Hoga

Zarre Zarre Pe Jare Honge Kunware Sajde

Ek Ek Butt ko Khuda Uss Nein Banaaya Hoga

Pyasa Jaltein Hue kaanton Ki Bujhai Hogi

Riste Paani ko Hatheli Pe Sajaaya Hoga

Mil Gayaa Hoga Agar koi Sunahari Patthar

Apna Toota Hua Dil Yaad Toh Aaya Hoga

khoon ke Chinte’n kahin Poch Naa Lein Rehron Se

Kis Nein Veerane Ko Gulzaar Banaaya Hoga

via lovemasti.

Gillay Chahe Bohat Karna

Gillay Chahe Bohat Karna,
Rulana Or Bohat Larna,
“Suno Naraz Mat Hona”
Kabi Aisa Jo Ho Jaye,
K Teri Yaad Se Ghafil Kisi Lamhe Jo Ho Jaon,
…Bina Dekhe Teri Surat Kisi Shab Main Jo So Jaon,
To Sapnon Mein Chalay Aana,
Mujhe Ehsaas Dila Jana,
“Suno Naraz Mat Hona”
Kabhi Aisa Jo Ho Jaye,
Jinhen Kehna Zaruri Ho…
Wo Mujh Se Lafz Kho Jaein,
Aana Ko Beech Mat Lana,
Meri Aawaz Ban Jana,
“Kabhi Naraz Mat Hona.
“Kabhi Naraz Mat Hona”..

Posted by Fatima Shah

Ajab Pagal Si Larki Hai

Ajab Pagal Si Larki Hai
Mujhe Har Rooz Kehti Hai-

Batao Kuch Naya Likha ?
Main Jab Bhi Us Se Kehta Hoon-

Kay Maine Nazm Likhi Hai
Magar Un’waan Daina Hai-

Buhat Be’taab Hoti Hai
Woh Kehti Sunao Main
Usay Achha Sa Un’waan Daiti Hoon-

Woh Meri Nazm Sun’nti Hai
Aur Nazm Ko Ik Un’waan Daiti Hai-

Aur Uskay Aakhiri Misray Kay Neechay
Apna Naaam Likhti Hai-

Main Kehta Hoon Yeh Nazm Meri Hai
Woh Kehti Hai Bara Sada Sa Rishta Hai-

Kay Jis Tarhan Tum Mere Ho
Ussi Tarhan Yeh Nazm Bhi Meri Hai

Mere bus mein ho tu kabhi kahin

Mery bus mein ho tu kabhi kahin …
Koe shehar aisa basaon mein
jahan sach ko sach say ho wasta..
jahan jugnuoo’n ko hawa dekhati ho rasta
jahan chand kabhi maand na ho
Jahan khushboo’n say badalti rut ko hasad na ho
jahan patto ko bulandion say kuraid na ho
jahan khuwab ankhon mein jagmagain tu
jism o jaan kay sabhi darechon mein teirgi ka guzar na ho
koe raat aisi basar na ho
kay bashar ko apni khabar na ho
jahan daag daag sahar na ho
jahan kashtian ho rawa dawa,
tu samandaron mein bhanwar na ho
jahan baurg o bar say ajnabi
koe shakh koe shajar na ho
meray bus mein ho tu kabhi kahin
koe shahr aisa basao’n mein…

Poet : MOHSIN NAQVI
Posted by (Lubna Shaheen)

“gham-e-aashqi say keh do, rah-e-aam tak na phonchy”

gham-e-aashqi say keh do, rah-e-aam tak na phonchy,
mujhy khof hay ye tohmat, mery naam tak na phonchay,

mein nazar se pi raha tha tou ye dil ney BAD DUA di,
tera haath zindagi bhar kbhi jaam tak na pohnchy,

jo naqab-e-rukh UthayA, tou ye qaid bhi laga di,
uthey nigah laykin, DAr O baam tak na phonchay,

ye ada-e-bayniazi, tujhy baywafa mubarak,
mager aysi bay rukhi kia, keh salam tak na pohnch

Teri surat nigahon me phirti rahe,

Teri surat nigahon me phirti rahe,
ishq tera sataye to mai kya karun,
koi itna to aa kar bata de mujhe,
jab teri yaad aaye to mai kya karun.

maine khak-e-nasheman ko bose diye,
aur keh kar ye dil ko samjha liya,
aashiyaan banana tera kaam tha,
koi bijli giraye to mai kya karun.

maine mangi thi ye masjidon me duaa,
mai jise chahta hun wo mujh ko mile,
jo mera farz tha wo maine pura kiya,
ab KHUDA hi na chahe to mai kya karun.

na lage jaam pe haath ye shart hai,
jaaye jo maikade ko wo kamzarf hai,
mujh ko tohmat na do,mai sharabi nahi,
wo nazar se pilaye to mai kya karun.

Ishq,Imaan donon me tafreeq hai,
aur donon pe mera Imaan hai,
jo KHUDA ruth jaye to sajde karun,
aur SANAM ruth jaye to mai kya karun????

“Usi Mod Se Shuru Karen Phir Ye Zindagi”

Us’s Mod Se Shuru Karen Phir Ye Zindagi

Har Shay Jahan Haseen Thee, Hum Tum The Ajnabi

Lekar Chale The Hum Jinhe Jannat Ke Khwaab The

Phoolon Ke Khwaab The Wo Mohabbat Ke Khwaab The

Lekin Kahan Hai Unmein Wo Pehle See Dilkashi

Rehte The Hum Haseen Khayaalon Ki Bheed Mein

Uljhe Huye Hain Aaj Sawaalon Ki Bheed Mein

Aane Lagi Hai Yaad Wo Fursat Ki Har Ghadi

Shaayad Ye Waqt Humse Koi Chaal Chal Gaya

Rishta Wafa Ka Aur Hi Rangon Mein Dhal Gaya

Ashkon Ki Chandini Se Thee Behtar Wo Dhoop Hi